10 అక్టోబర్, 2017

Relation లో ఉన్నప్పుడు పాటించాల్సిన కొన్ని Basic Rules

మన ముందు తరాలతో పోలిస్తే ఇప్పుడు చాలామంది స్త్రీలు కేవలం ఇంటికే పరిమితమైపోకుండా చక్కగా చదువుకొని,, మంచి ఉద్యోగాలు చేస్తూ అందులో పెద్ద పెద్ద హోదాలను అనుభవిస్తూ తమ లైఫ్ని తామే Own గా లీడ్ చేసుకొనే స్థితిలో ఉంటున్నారు కదా ప్రస్తుతం ? మరలా ఉన్న స్త్రీ సాంప్రదాయాన్ని అనుసరించి వివాహం చేసుకొని మీ ఇంటికొచ్చి నీతో లైఫ్ గడపడానికి సిద్ధపడుతోందంటే అది ఎందుకై ఉంటుందోనని ఎప్పుడైనా ఆలోచించావా రా అబ్బాయ్ నువ్వసలు?


ఆమెకి ఆర్ధికపరమైన అండగా నువ్వు ఉంటావనా? ఇది ఒకప్పటి కాలంలో చెల్లిన మాటేమోకానీ ఇప్పుడు కాదుగా? ఎందుకంటే తనకి తాను సంపాదించుకొని ఎవరి అండా లేకుండా తన జీవితాన్ని తానే నిర్వహించుకోగలిగే స్థితిలోనే ఉంటోందిగా ఆధునిక మహిళ ఉద్యోగం చెయ్యడం వల్ల ప్రస్తుతం. కనుక ఇది కారణమై ఉండదు,, మరింకెందుకంటావ్?


శారీరకసుఖం కోసం అనుకొంటున్నావా? అదే కావాల్సివస్తే నిన్నొక్కడినే ఎందుకు సెలెక్ట్ చేసుకోవాలి? నువ్వేమైన పెద్ద పోటుగాడివని తెలిసి వస్తోందా ఏమిటి? కాదుగా? పైగా అదే కావాల్సివస్తే నీ ఒక్కడితోనే ఎందుకు పరిమితమై ఉండాలనుకొంటుంది చెప్పు?


పిల్లలకోసమనా? పిల్లలే కావాల్సి వస్తే అనాధశరణాలయం నుంచి ఓ బాబునో పాపనో తెచ్చుకోవచ్చు... పైగా సరోగసీ లాంటి పద్ధతులు ద్వారా కూడా మగవాడి ప్రమేయం లేకుండానే పిల్లలను తాను పొందగలదు? మరింకెందుకు ఆమె నిన్ను పెళ్ళి చేసుకొంటోందంటావ్?


గట్టిగా ఈ ప్రశ్నలన్నీ తననే నువ్వడిగితే తాను కూడా సమాధానం చెప్పలేదేమో సరిగా,, " ఏమో అవేమీ నాకు తెలీదు,, నీతో లైఫ్ పంచుకొంటే నేను ఆనందంగానూ,, సంతోషంగానూ ఉంటాననే నమ్మకంతో నిన్ను చేసుకొన్నానని " అంటుందేమో బహుశా...!!!


మరి అలా అన్న ఆ స్త్రీతో నువ్వెలా ప్రవర్తిస్తే ఆమెకలా ఆనందం ,, సంతోషం కలుగుతుందని ఎప్పుడైనా యోచించావా నువ్వుసలు? ఆలోచించకపోతే కనుక కొన్ని విషయాలు చెప్తాను నేను,, కాస్త ఓపికగా చదువు..


మొట్టమొదటిగా ఆమెని ఆమెలా గుర్తించి గౌరవించడం నేర్చుకో.. అంటే ఆమెకీ రకరకాల ఎమోషన్స్, ఇష్టాలూ,, అభిరుచులు , సొంత అభిప్రాయాలూంటాయని గుర్తించి అందుకు తగ్గట్లు వాటికి విలువనిచ్చి ప్రవర్తించడం నేర్చుకో... ఇది కేవలం ఒక్క భార్యకనే కాదు,, ఏ స్త్రీ అయినా మొగవాడినుండి ఇంతకుమించి కోరుకునేది ఏదీ ఉండదు నిజానికి...


2. మీ ఇద్దరికీ కామన్ గా ఉన్న విషయాలను కలిసి ఆనందించడం నేర్చుకో,, లేనివాటికి రెస్పెక్ట్ ఇవ్వడం నేర్చుకో....


3. నిజానికి స్త్రీ అయినా పురుషుడైనా పెళ్ళి చేసుకొనేది వాళ్ళకంటూ జీవితంలో అన్నివేళలా ఫిజికల్లీ,, ఎమోషనల్లీ సపోర్టివ్గా ఒకరుండాలని.. అది ఒకే జెండర్ అయిన వ్యక్తి నుంచైతే అయితే స్నేహం అవుతుంది,, వేరే జెండర్ అయితే అది బంధమవుతుందని అలా పెళ్ళి చేసుకొంటారు.. మరి బంధమన్నాక బోలెడు బాధ్యతలు ఉంటాయి కదా?? ఆ బాధ్యతలు ఒకరికొకరు పరస్పర అవగాహనతో పంచుకొని సరిగ్గా నిర్వహించుకుంటూ ఒకటిగా లైఫ్ని లీడ్ చేసుకుందామనే ఉద్దేశంతోనే ఏ జంటైనా పెళ్ళి ద్వారా ఒకటయ్యేది.. కనుక నీ మటుకు నువ్వు నీ బాధ్యతలయందు నిర్లక్షవైఖరిని ప్రదర్శించకు


4. నీకుగానీ ఆమెకిగానీ బోలెడుమంది స్నేహితులూ, పరిచయస్తులూ ఉండవచ్చు.. ఆఖరికి తల్లీ తండ్రీ తమ్ముడూ అక్కా చెల్లీ అనే ఎన్నో రిలేషన్స్ ఉన్నా భాగస్వామి దగ్గర ఓపెన్ అయినట్లుగా మిగతా ప్రపంచం దగ్గర ఓపెనప్ అవ్వగలరా నువ్వైనా , ఆమైనా? కనుక ఆనందమైనా ,, విషాదమైనా ఆమెతో పంచుకోవడం,, అలానే ఆమెనూ వినడం అలవాటు చేసుకో.. 


కెరీర్, కలలు, స్నేహితులూ, లక్ష్యాల గురించి నీ భాగస్వామి నీకు చెపుతున్నప్పుడు విసుగ్గా మొహం పెట్టడం, అనాశక్తి ప్రదర్శించడం సరికాదు.. దానివలన నీ భాగస్వామి వేరొకరితో ఈ విషయాలను పంచుకొనే దుస్థితి ఎదురవుతుంది,, ఆలోచించుకో...


( ఈ నాలుగు సూచనలూ చదివాక ఇవి కేవలం మగవాళ్ళకే చెప్పడమేమిటి ? మరి ఆడవాళ్ళకేమీ చెప్పవా? " రిలేషన్లో వాళ్ళెప్పుడూ చాలా కరక్ట్గా బిహేవ్ చేస్తారు, మగవాడే తప్పుగా బిహేవ్ చేస్తాడు " అనే ఉద్దేశంతో నువ్వు ఈ వ్యాసం రాసినట్లుంది,, ఏం మన మొగవాళ్ళలో కూడా బాగా చూసుకునేవాళ్ళు లేరా? అని నాపై ఈ వ్యాసం అంతా చదివాక ఎగురుదామని అనుకొంటున్నావా కామెంట్స్లో ? కంగారు పడకు.. 


ప్రారంభంలో అడిగిన ప్రశ్నలు చదివిన నిన్ను ఈ వ్యాసం చదివేందుకు ఆకర్షించేలా చేసి నీ ఆలోచనాపరిధిని విస్తృతపరిచేందుకు నేనుపయోగించిన ట్రిక్ అంతే...!!! చదివి, ఆలోచించి తన జీవితానికి అన్వయించుకోగలిగితే ఆమెకూ ఇవి పనికొచ్చే విషయాలేగా? కనుక ఇది ఇద్దరికీ సంబంధించిన వ్యాసమే...


ఇది రాసాక నాకిప్పుడు అనిపిస్తోందేంటంటే ఇవి భార్యాభర్తలమధ్య బంధం బాగుండేందుకు పునాదిగా ఉండాల్సిన బేసిక్ విషయాలని... అయితే జీవితంలో ఉండే అనేకమైన దశలలో,, ఎదురయ్యే రకరకాల పరిస్థితులలో ఒకరిపట్ల మరొకరు ఎలా ప్రవర్తించాలి? ఎలా ప్రవర్తించకూడదనే విషయాలు ఇంకాస్త వివరంగా వివరిస్తే బాగుండునని అనిపిస్తోందిప్పుడు నాకిప్పుడు ఇదంతా రాసాక. అయితే వ్యాస విస్తారభీతిచే ఇక్కడితో వదిలిపెడుతున్నాను ప్రస్తుతానికింతవరకూ... నాకు కాస్త ఖాళీ దొరికినప్పుడెప్పుడైనా మరోసారి రాస్తాలే ఆ వ్యాసాన్ని ,, 


అంతలోపులో నేను చెప్పిన ఈ విషయాల గురించి కాస్తైనా ఆలోచించి చూడు ,, కొద్దిగానైనా నీ దృక్పథంలో మార్పొస్తే అంతకన్నా నాక్కావాల్సిందేముంటుంది చెప్పు నిజానికి ?? )

శుభరాత్రి :)


- Kks Kiran

Relation లో ఉన్నప్పుడు పాటించాల్సిన ఓ Rule

" కెరీర్, కలలు, స్నేహితులూ, లక్ష్యాల గురించి నీ భాగస్వామి నీకు చెపుతున్నప్పుడు విసుగ్గా మొహం పెట్టడం, అనాసక్తి ప్రదర్శించడం సరికాదు..

దానివలన నీ భాగస్వామి వేరొకరితో ఈ విషయాలను పంచుకొనే దుస్థితి ఎదురవుతుంది,, ఆలోచించుకో... "

( భార్యాభర్తలు తాము బంధంలో ఒకరికొకరు ఎలా ప్రవర్తించాలి ? ఎలా ప్రవర్తించకూడదనే విషయాలను సూచిస్తూ నా అభిప్రాయాలను ఓ వ్యాసంగా రాస్తున్నా‌ను ఇప్పుడు ,, అంతా కుదిరితే రేపు ఆ వ్యాసాన్ని పోస్ట్ చేస్తాను,, అందాక మచ్చుక్కు అందులోని ఓ వివరణ ఇది ,, ఎలా ఉందిది ??)

- Kks Kiran

చలం మైదానం పుస్తకంపై ఓ విమర్శ

" ఇప్పుడు నేను నాకు మా ఆవిడ వల్ల సుఖం లేదు , నా ఫోర్సు తను తట్టుకోలేకపోతోంది . ఆమె వల్ల నేను జీవితంలో ఆనందాన్ని కోల్పోతున్నాను ... అందుకే ఇంకొకామెకి తగులుకున్నాను .. మేమిద్దరం కలిసి సిటీ బయట ఏదైనా "మైదానం " వెతుక్కుంటున్నాము అని చెప్తే మీరు ఊరుకుంటారా ? చెప్పు తీసుకొని కొడతారా ??????

' స్త్రీ , పురుషుల లేదా భార్యా భర్తల సంబంధాలు కేవలం శారీరకం కాదనీ , అంతకు మించి ఎంతో ఉందనీ , రోత సుఖాల రొచ్చు లో పడి అయిన వాళ్ళ మెడకు ఉచ్చు తగిలించవద్దనీ , వీటికి అతీతం గా ఎదగమనీ ' చెప్తారా చెప్పరా ???????

ఇలా వ్యామోహాలలో పడి మైదానాల వెనక పడిపోతే ఆనక్కి ఎన్ని గోదానాలు చేసినా ఆ పాపాలు ప్రక్షాళన కావనీ , ఇది ఇంగితం కాదనీ కసురుతారా కసరరా ?

ఇలా సుఖం , స్వేచ్చ పేరుతో ఎవరికి కావాల్సిన దారిలో వాళ్ళు పోతే , పుట్టే పిల్లలకి నాన్న ఎవడో చెప్పలేని దీన స్థితికి ఈ సమాజం దిగజారుతుంది అనీ అది మంచిది కాదనీ విమర్శిస్తారా ? విమర్శించరా????

ప్రతీ స్వేచ్చ కీ ఒక హద్దు ఉంటుంది . హద్దులు దాటిన స్వేచ్చ అనర్ధాలకే దారి తీస్తుంది 


అపరిమితమైన స్వేచ్చని కోరి , అవసాన దశలో అరుణాచలం వెళ్ళే కంటే , పద్దతిగా జీవితం గడిపి ఉన్న ఊరిలో సింహాచలం వెళ్ళటం బెటర్ కదా ?

చలం అభిమానులకి ఎవరూ ఈ సంగతి చెప్పరేంటి ??

మనం నిక్కచ్చిగా మాట్లాడితే మొనగాడు అయిపోము .. వేరే వాళ్ళు నిక్కచ్చిగా మాట్లాడినప్పుడు తట్టుకోగలిగే శక్తి కూడా ఉండాలి

చలం చెప్పే స్వేచ్చని మన కూతుర్లకీ , కోడళ్ళకీ ఇవ్వలేనప్పుడు ఆయన గురించి పెద్దగా చెప్పుకోక పోవడమే బెటర్ "

- Sridhar Neelamraju గారి వాల్ నుంచి సేకరణ 

దీనిపై మీ అభిప్రాయం??

- Kks Kiran

నక్షత్రాల అందం


ఆకాశగంగలో పూసిన తెల్లతామరపూలలా ఉన్నాయి ఆకాశంలోని నక్షత్రాలు ఇప్పుడు 👌

#SayNoToDowry



అసలు పెళ్ళి అంటే ఏమిటి? 

" ఇద్దరు వ్యక్తులు మేము జీవితాంతం ఒకరికొకరు తోడూనీడగా ఉంటూ,, ధర్మబద్ధంగా సహజీవనం సాగిస్తూ చక్కటి కుటుంబాన్నీ,, తద్వారా ఓ ఆరోగ్యకరమైన,, నైతికపరమైన సమాజాన్ని ఏర్పర్చడంలో మావంతు పాత్ర మేము పోషిస్తాము " అని అందరికీ తెలియచెప్పడమేగా పెళ్ళి చేసుకోవడం అంటే...!!!

అలా పరస్పరం కలిసి లైఫ్ని బాగా లీడ్ చేసుకుంటామని భావించి చేసుకొనే పెళ్ళికి కట్నం తీసుకోవడం అవసరమా బాస్? ఆలోచించు 👀

ఆమెని పెళ్ళి చేసుకొనేందుకు నువ్వలా డబ్బులు పుచ్చుకొంటున్నావంటే అందులో ప్రేమా, సమానత్వం ఎక్కడుంది చెప్పు బ్రదర్ ?? - కేవలం అమ్మకం కొనుగోలే ఉంది తప్ప అందులో 🙅

అయినా ఒకటాలోచించు,, 

ఎవరో నీకో విలువ నిర్ణయించి ఆ నిర్ణీతమైన ధరను ఏదో అమ్మబోయే సరుకుకి బేరం చెప్తున్నట్లు ' ఇంతైతేనే మావాడిని మీ పిల్లకిచ్చి పెళ్ళి చేసేందుకు ఒప్పుకుంటాం, లేకపోతే లేదు ' అని మీవాళ్ళు అవతలివారితో మాట్లాడుతూంటే సిగ్గనిపించదా ‌నీకు ?? 😠

ఆత్మాభిమానం, స్వీయ గౌరవం ఉన్న ఏ వ్యక్తైనా ఎవరో తనకి ఓ కనీస విలువ నిర్ణయించడాన్ని ఒప్పుకుంటాడా అసలు? ఒప్పుకుని మరొకరి సొమ్ము అయాచితంగా స్వీకరిస్తూ తనని తాను అమ్ముడవ్వడానికి సిద్ధపడతాడా?? 😡😡

ఆలోచించు ....!!!

- Kks Kiran

సూర్యాస్తమయ వర్ణన



సంధ్యాసమయంలో నాట్యం చేసే పరమశివుని కిరీటం నుండి రాలిపడిన మాణిక్యంలా ఉన్నాడు అస్తమిస్తున్న సూర్యుడు 👌 

శుభసాయంత్రం :)

- Kks Kiran

' అశ్వమేధము ' అనే నవలలో భౌద్ధమతంలోని లోపాలను వివరిస్తూ పుష్యమిత్రుని పాత్ర ద్వారా విశ్వనాధ సత్యనారాయణ గారు చెప్పించిన ఓ విశ్లేషణ ఇది

"" మహారాజు బౌద్ధుడు. వాని గుర్రపు వాడు బౌద్ధుడు. మహారాజు తన గుర్రపువానికి నెలజీతమును మించి యీయడు. మహారాజు కుమార్తెను గుర్రపు వాని కుమారునికిచ్చి పెళ్లి చేయునా? వారొక వేళ ప్రేమించినచో నిద్దరును లేచిపోవలెను. 


అందరూ సమానులని చెప్పెడి ఏ సంఘమునందయిన ఏ దేశమునందైనను బరిస్థితి ఇదియే . 


బేధమేమనగా వీడు భోజనము చేయుచుండగా వాడు చూడవచ్చును ,, వానిని పక్కన కూర్చుండపెట్టుకొని వీడు భోజనము చేయడు ... వాని లౌకికమైన మర్యాదకి అది లోటు ...


మతసంబంధముగా చేయుటకు అభ్యంతరం లేదని చెప్పుదురు... లౌకికమైన బేధముల చేత అట్లు చేయరు... చేసినచో మర్యాద నష్టము ,, వారి గొప్పదనం పోవును...


లోకమునందు ఆ గొప్పదనమెట్టిది? మనోనిర్మితమైనదే కదా?


మతవిషయకమైన భేదమూ మనో నిర్మితమైనదే ...


ఈ మనోనిర్మితమైన భేదము మత సంబంధమన్నచో ద్వేష్యమా? లౌకికములయిన ధనాధికారముల విషయమయినపుడు స్వీకార్యమా?? ""


దీనిపై మీ అభిప్రాయం ??

ఉషోదయ అందం



నిర్మలమైన ఆకాశగంగా నదీతరంగాలపై కొన్ని వేల బంగారు పద్మాలు వికసించినంత కాంతివంతంగా ఉంది ఆకాశంలో ఉషస్సు ఇప్పుడు 👌

శుభోదయం :)

- Kks Kiran

చంద్రునిలో కనపడే నల్లటి మచ్చలను శ్రీనాధుడు తన భీమఖండంలో ఎంత చక్కగా వర్ణించారో చూడండి :)


"" రోహిణీ దేవిని గాఢంగా కౌగిలించుకొనగా ఆమె స్తనాలనుంచి అంటిన కస్తూరి ఏమో ఇది ....!

రాహువు కోర లోపల గ్రుచ్చుకొని పోవడం వల్ల ఏర్పడ్డ రంధ్రమేమో !!

చీకటినంతటినీ దిగమింగినందువలన సహజ నిర్మలమైన శరీరం లోపలనుంచి కనబడుతున్న నల్లని వన్నె ఏమో !!! 

జన్మవేళయందు మందరగిరి రాపిడి చేత కలిగిన గాయపు మచ్చ ఏమో....!!!!

విరహాగ్నిపాలై వేగుతున్న చక్రవాకాంగన కడకన్నుల నుంచి పుట్టిన అగ్ని చేత కమిలిపోయిన భాగమేమో ఇది అన్నట్లుగా కనిపించింది చంద్రబింబంలోని నడిమి మచ్చ " అని 👌

- Kks Kiran

చంద్రోదయ వర్ణన



నేలంతా నందివర్ధనం పూలు పరిచినట్లు - తెల్లగా వ్యాప్తి చెంది ఉంది వెన్నెల ప్రస్తుతం 👌

- Kks Kiran

వేయిపడగలు పుస్తకం గురించి ఓ చిరు పరిచయం


విశ్వనాధ సత్యనారాయణ గారు రాసిన " వేయిపడగలు " అనే నవల చదువుతున్నాను ప్రస్తుతం నేను.. 

ఈ పుస్తకం పంతొమ్మిదీ ఇరవయ్యో శతాబ్దాల సంధి చరిత్ర అని చాలామంది అభిప్రాయం. ఆ సమయంలో నూతనంగా సమాజంలో కలుగుతూ ,, సామాన్య విషయాలవలే సంఘంలో జరుగుబాటవడానికి ఆస్కారమవుతున్న అనేకానేక విషయాల గురించీ,, ఆ ఆ మార్పులవల్ల కలిగే దుష్పరిణామాల గురించీ ఆనాడే హెచ్చరించిన గొప్ప వైజ్ఞానిక భవిష్యపురాణం ఇదని ఇంకొందరి అభిప్రాయం ...

ఆ రెండభిప్రాయాలూ చాలా నిజమని అనిపించేలా అనేకానేక వివరణాలూ, విశ్లేషణలూ ఉన్నాయి ఈ పుస్తకంలో,,

ఉదాహరణకు వివాహ వ్యవస్థ గురించి ఈ పుస్తకంలో కధానాయకుడైన ధర్మారావుతో రాధాపతి,, చక్రవర్తి అనే పాత్రలు చేసే ఈ వాదనలు చదవండి.. ఈ వాదన ద్వారా వివాహ వ్యవస్థ యొక్క గొప్పదనాన్ని వివరిస్తూనే శీలపోషణ,, మనో నియమము యొక్క ఆవశ్యకతనూ ,, స్వేఛ్ఛకీ - విశృంఖలత్వానికీ మధ్యగల తేడానూ ఎంత చక్కగా వివరించారో విశ్వనాధ వారు.

' వివాహమక్కర్లేకుండా సంఘంలో మనుష్యులు బ్రతకాలనీ , సెక్సే జీవిత పరమావధి అను ఉద్దేశముతో నైతిక విలువలకూ,, నాగరిక నియమాలకూ తిలోదకాలిచ్చినా పర్లేదను ' సిద్ధాంతాలతో ఉపన్యసిస్తూ,, ఫేస్బుక్లో పోస్ట్లు రాస్తూ తమని తాము మేధావి వర్గానికి చెందినవారిగా భావించుకొను కొందరు భ్రాంతిపరులకి ఈ మాటలు చెంపపెట్టులాంటివని నా అభిప్రాయం :)

ఆ వాదన ఇదిగో



"" రాధాపతి :- లోకములో స్త్రీ పురుషులందరునూ కామేచ్ఛ కలవారు .. ఎక్కడ చూచినను భర్తయు భార్యయు ఇతర స్థలములయందు సంచరించుచునే ఉన్నారు.. వివాహమన్నది ఆచారముగా చేసుకొనుచున్నారు గానీ,, ' ఇదిగో వీడు ఏకపత్నీవ్రతుడు, ఈమె పతివ్రత ' అని చూపించగల వారిని చెప్పుడు !

ధర్మారావు :- వీరి ప్రవర్తన బాగుగా ఉండలేదని మీరు చూపించుడు.

రాధా :- లక్షోపలక్షలు. మంచివారు నాకెచ్చటనూ కనుపించలేదు

ధర్మా :- మంచివారనగా ఏకపత్నీ వ్రతులు, పతివ్రతలు అనే కదా మీ యర్ధము. అట్టివారు మంచి వారైనప్పుడు అట్లుండట మంచిదనే కదా ! అట్లుందుట మంచి ,, ఇట్లుండుట చెడ్డ. ఇది మీరన్న మాటయే. వేరే వాదమక్కర్లేదు

చక్రవర్తి :- పండితులందరునూ చేయునది ఇదియే. మాటల అర్ధమును విరిచెదరు.. అది వాదన కాదు

ధర్మా :- అది వాదన అవునో కాదో తర్వాత. మీరు వాదించుడు ! లోకములో దాంపత్యము ఆదర్శప్రాయంగా లేదనుట వాదన కాదు. మనము కొన్ని మామిడిపండ్లు పుచ్చువైనచో చక్కని మామిడిపండే ఉండదని వాదించుట ఎట్లు? లోకమునందు ఏకపత్నీవ్రతులు ఉండరాదా?

రాధా :- లేదని నా ఉద్దేశ్యం 

ధర్మా :- ఆ మాట తప్పు. నేనున్నాను

రాధా :- మీకు పరస్త్రీ మీద బుద్ధియే ప్రసరించదా?

ధర్మా :- మీరు సరిగా మాట్లాడవలయును. ' మనసే ప్రసరించదా ' అని అనవలయును. మనస్సు వేరు - బుద్ధి వేరు. మనసు చంచలమైనది, బుద్ధి సిద్ధాంతరూపమైనది. పరస్త్రీ సంగమము దోషము కాదను బుద్ధి నాకు లేదు. మనస్సు ప్రసరింపవచ్చును . మనసు నిత్యము చంచలమైనది. దానిని ప్రయత్నముచే నియమించవలయును.

రాధా;- ఎందుకు నియమించవలయును? దాని ఇష్టం వచ్చినట్లు అది పోయినచో తప్పేమి?

ధర్మా :- మనము విద్య కావాలని చదువుకొనుచున్నాము. చదువుకుని కొంత నీతిగా ప్రవర్తించుచున్నాము. చదువుకొనకపోయిన నేమి? , నీతిగా ప్రవర్తించకపోయిన నేమి ? అనినచో సమాధానమేమియూ లేదు.

చదువుకోనివాడు జానపదుని వలె నాగరికులయందు చక్కగా ఎట్లు ప్రవర్తించలేడో, అట్లే అనియమితమైన మనస్సు మహావిషయములనందు అనాగరికమై ఉండును. ఆధ్యాత్మికమైన గౌరవము కలగదు..

నాగరికత అనగా నియమములకు ఒదిగియుండుట. మనము దగ్గర స్నేహితులతో ఉన్నప్పుడు యధేఛ్ఛగా మాట్లాదుదుము. సభలో ఉన్నప్పుడు ఒక నియమము అవలంబింతుము . దానిపేరే సభ్యత.

వాగ్నియమము ఎట్టిదో,, నలుగురిలో మర్యాదా ప్రవర్తనా ఎట్టిదో,, వానినుసరించి సభలో పురుషునకు యోగ్యత ఎట్లు కలుగునో,, అట్లే మనస్సునకు నియమావలంబనము చేత ఉత్తమ యోగ్యత కలుగును.

వాంఛ అణచని వానికి లఘుత , నియమించినవానికి గురుత. "" అని .

దీనిపై మీ అభిప్రాయం ఏమిటి?

- Kks Kiran​

సూర్యోదయ వర్ణన



రోజూ ఎనిమిది బారువుల బంగారాన్ని ఇవ్వగలిగే శక్తిగల శమంతకమణివలె వెలుగొందుతున్నాడు ఆకాశంలో ఉషాపతి ఈ ఉదయాన 👌

శుభోదయం :)

- Kks Kiran

త్యాగరాజ పంచరత్న కృతులలో మొదటి కృతి




కృతి :- జగదానందకారక ,, రాగం :- నాట - ఆది తాళం ,, రచన :- త్యాగరాజస్వామి _/\_


" జగదానందకారక జయ జానకీ ప్రాణనాయక
గగనాధిప సత్కులజ రాజరాజేశ్వర
సుగుణాకర సురసేవ్య భవ్యదాయక సదా సకల ॥జగ॥

అమర తారక నిచయ కుముదహిత పరిపూర్ణానఘ
ధరసురభూజ దధిపయోధి వాసహరణ
సుందరతరవదన సుధామయ వచోబృంద గోవింద
సానంద మావరాజరాప్త శుభకరానేక ॥జగ॥


నిగమ నిరజామృతజ పోషకానిమషవైరి
వారిది సమీరణ ఖగతురంగ సత్కవి హృదాలయ
అగణిత వానరాధిప నతాంఘ్రియుగ ॥జగ॥


ఇంద్రనీలమణి సన్ని భావఘన
చంద్ర సూర్యనయనా ప్రమేయ వాగీంద్ర జనక సకలేశ శుభ్ర నాగేంద్ర శయన శమనవైరి సన్నుత ॥జగ॥


పాద విజిత మౌనిశాప సవ పరిపాల వరమంత్రగ్రహణలోల
పరమశాంతచిత్త జనకజాధిప సరోజభవ వరదాఖిల ॥జగ॥


సృష్టిస్థిత్యంతకారక అమిత కామితఫలద అసమానగాత్ర శచీపతి నుతాబ్ధిమదహర అనురాగ రాగరాజిత కథాసారహిత ॥జగ॥




సజ్జనమానసాబ్ధి సుధాకర కుసుమ విమాన సురసారిపుకరాబ్జ లాలిత చరణ అవగుణాసుర గణమదహరణ సనాతనాజ నుత ॥జగ।।


ఓంకార పంజరకీర పురహర
సరోజ భవ కేశవవాది రూప
వాసవ రిపు జనకాంతక కలాధర
కకాధరాప్త ఘృణాకర
శరణాగత జనపాలన సుమనోరమణ
నిర్వికార నిగమ సారతర ॥జగ॥


కరదృత శరజాలాసుర మదాపహరణావనీసుర సురావన కనీస బిలజ మౌనికృత చరిత్ర సన్నుత శ్రీ త్యాగరాజ సన్నుత ॥జగ॥


పురాణపురుష నృవరాత్నజాశ్రిత-
పరాధీన ఖరవిరాధరావణ
విరావణ అనఘ పరాశర మనో-
హరావికృత త్యాగరాజసన్నుత ॥జగ॥


అగణితగుణ కనకచేల సారవిదళన
అరుణాభ సమాచరణ
అపారమహిమాద్భుత సుకవిజన హృత్సదన సురమునిగణిత విహిత
కలశనీరనిధిజారమణ పాపగజనృసింహ
వర త్యాగరాజాదినుత  ॥జగ॥ ""

మొక్కజొన్న పూల అందం



ఆకాశం నుండి రాత్రి రాలిపడే నక్షత్రాలన్నీ ఉదయం ఇలా మొక్కజొన్న పూలలా రూపాంతరం చెందుతాయేమో....!!!!

అప్రత్యక్ష విషయాల గురించి విశ్వనాధ వారి వాఖ్య

"" మడి కట్టుకొనుమనుము ,, ' పరిశుభ్రంగా ఉండాలి కానీ మడిలో ఏముంది ? ' అని అందురు..

' పరిశుభ్రంగా ఉండుటలో మాత్రమేముంది ? అని అనిన ' అసహ్యంగా ఉన్నచో అన్నం సహించదు ' అని అందురు..

ఏల సహించదు ? ఏనాది వారు,, కొందరు నీచ జాతివారు అసహ్యమైన దేహములతో ,, గుడ్డలతో తినుట లేదా ? అని పశ్నించిన. -- ' వారు అనాగరికులు,, బుద్ధిమాలిన వారు : నేను నాగరికుడును,, నాకు పరిశుభ్రంగా ఉండవలయును ' అని అనును..

పరిశుభ్రంగా ఉండుట నాగరికత అయినచో భోజనం చేయువేళ మడిబట్ట యని ,, దానితో ఇంకెవరిని తాకనని నియమముగా ఉండుట మరియు నాగరకతేమో !! 

మురికి ఉండుట లేకపోవడంలలోని తారతమ్యము ప్రత్యక్షము : శుభ్రమైన వస్త్రమునకు మడిబట్టకూ కల తారతమ్యము అప్రత్యక్షము .

నీవు దేవుడున్నాడని అందువేని అది అప్రత్యక్ష విషయము. అప్రత్యక్షమై ,, బుద్ధిమంతులు చేత ఊహింపబడునదియే మతము.. అదియే దివ్యము..

అది నీ సామాన్య జ్ఞానమును దాటి యుండును..

సద్విషయమును నీవాచరించవేని అది నీకే నష్టము .. సూర్యునిపై దుమ్ము చల్లిన కన్నులలో పడును ""

- విశ్వ‌నాధ సత్యనారాయణ గారు తన వేయిపడగలు పుస్తకంలో 👊

వేయిపడగలు పుస్తకంలో విశ్వనాథ సత్యనారాయణ గారు చేసిన సూర్యోదయ వర్ణన 👌



" బయట తెల్లవారుచుండెను. తూర్పున ఉదయింపబోవు సూర్యుని కాంతి యెగదట్టెను... 

కొండచరియ ఎక్కలేని సప్తాశ్వముల కాలిగిట్టలు నునుపైన కొండ చరియలపై జారుతూ ఉండగా వడిగల అనూరుని కశాఘాతమునకు తాళలేక ఎగురుతూ నురుసులు క్రక్కగా,, ఆ నురువు కాంతి తూర్పు నందు అలికినట్లు ఉషః కాంతి ప్రజ్వరిల్లింది "

శుభోదయం 👌

గోవధ గురించి విశ్వనాధ వారి మాటలలలో



వేయిపడగలు పుస్తకంలోని కథానాయకుడి పేరు ధర్మారావు.. అతను తన గ్రామంలో ఒకనాడు తిరుగుతూ ఉండగా అతనికి చిక్కి శల్యమైన ఒక ముసలిఎద్దు కనపడుతుంది... అతను దాని పరిస్థితిని చూసి విచారిస్తూ ఉండగా ఆ సందర్భములో విశ్వనాధ సత్యనారాయణ గారు నాగరికత పేరిట పశుసంతతిని నిర్లక్ష్యం చేస్తున్న విధానము గురించి,, గోవధ గురించి ఈ విధంగా వాఖ్యానింపచేశారు ఆ పాత్ర చేత

"" ఇరువది యేళ్ళ క్రిందనున్న ఆబోతులకు దీనికి ధర్మారావునకు తారతమ్యము తోచెను. ఒకప్పుడు ఆబోతును అదిలించినవారు లేరు. కర్రతో కొట్టిన వారు లేరు. తన చిన్నతనములో ఒక ఆబోతు వచ్చి తెరచియున్న బస్తాలోని ధాన్యము తినుచుండెను . ఎవరు నేమియు అనలేదు. కొన్ని తిని ఆబోతు వెడలి పోవుచుండెను. తన తండ్రి కడవతో నీరు తెచ్చి ఆ బోతునకు పెట్టెను. ఆ ఆబోతునకు అక్కర్లేదన్నట్టు తొలగిపోయెను. పక్కనున్న యొక కాపు ' బాబుకి దాహం అగుట లేదు కాబోలు పోనీండని ' అనెను.

ఆ ఆబోతు విశాలమైన ఫాలభాగము, నేత్రములందు రాజాధిరాజులను పోలిన ఠీవీ,, సుందర మంధర యానము, కైలాసగిరి మీది యధేచ్ఛా విహారి. గిర్యుపత్యకల నుత్ఖాత క్రీడ వలన కొమ్ములు తగులుకొన్న రాజతచ్ఛవివోని, కొమ్ముల కాంతితో త్రిలోకాధిపతి వలె సంచరించుచుఉండెను.


బీళ్ళన్నియూ మాగానులు కాలేదు. వృషభరాజు పొలాల మీదకే పోలేదు. కాపు ఆవులను సంతలకు తోడుకొనిపోయి , మంచి కోవగల యాలను, దూడలను పరదేశములకి ఎగుమతి చేయుచుండిరి.. ఒంగోలు వృషభములు, పలనాటి ఎద్దులు సర్వమును సంతనపడి ఇతర దేశములకు పోయెను. దేశములో కోవగల దూడలేదు, ఆవు లేదు. 


జమిందారులు బీళ్ళన్నియూ మాగానులు చేసుకొనుచుండిరి. మాగాని చేయుట కమ్ముచుండిరి. మాగాని తృష్ణ ఎక్కువైపోయెను. పశువు నిలుచుటకు తావులేదు. క్రమముగా పొలాలు యంత్రములతో దున్నుకొందురు.. యంత్రములతో కోసికొందురు.


పశువెందుకు? క్షీరములు కావలయునా? ఆస్ట్రేలియా నుండి రానే వచ్చుచుచుండెను కదా !! ఇంగ్లీషావులను దిగుమతి చేసుకొందుము. అవి మన ఆవుల వలె కాదు.. ఒక్కొక్కటి పదిశేర్లిచ్చును. ఆ పాలకు వెల కూడా ఎక్కువ.

ఆబోతును ధర్మారావు పరిశీలించి చూచెను. దాని యొడలెల్లా కర్ర దెబ్బలు తేలియుండెను.. ధర్మారావునకు దుఖఃము వచ్చెను..


ఆహా !! ఒకనాడీ వృషభరాజు మా దేశమున దైవాధిదైవము . మహా శిల్పులు ఇతని కొమ్ములు, నడక తీరు, పండుకొనిన వైభవము వైభవము, దివారాత్రములు చూచి చూచి నందీశ్వరులను చెక్కుకొనిరి. ఇతడు దేవాలయములందు సమారాధనీయుడయ్యెను. ఇతడు వీధులలో నిలుచుండి పిల్లవాండ్ర చేత గంగడోలు గోకించుకొనెను. ఇతడు వీధులలో నిలుచుండగా బాలురతనితో ఆడుకొనిరి. ఇతని నడుము కింద నుండి దూరిపోయిరి. ఇతని వర్షణశీలమైన అవయవ స్పర్శ చేత గిలగిల నవ్వుకొనిరి. అతడును వారిని తన్నలేదు. పొడవలేదు..


ఆనాడు దేశములో ఇతడొక ఎత్తు , తక్కిన సర్వసృష్టి మరొక ఎత్తు. నాటి సంకులమైన 'కుంద శంఖ చంద్రహార నీహార డిండీర పటీర ముక్తాహార హీర సంకాశములను, కాదంబ కాలేయ కాదంబినీ నీలజాల తమాలికా సన్నిభములును, ప్రౌఢ బంధూక పల్లవ సదృశములును, వికచకాంచన చంపక విస్పుటములైన వర్ణములొప్పనేత్రాభిరామ భంగి నలరారు గో కదంబములు ' లేవు. అవి సంచరించు వనములు లేవు.


గోవు అన్నది నశించిపోయింది. ఆబోతున్నది అదృశ్యమైపోయినది. ' గోబ్రాహ్మణేభ్య శుభమస్తు ' అన్న దేశములో , 'తేభ్యో శుభమ ' స్తన్న దుర్వాక్కే సర్వత్రా విజృంభించెను.. 


బ్రాహ్మణునకు గోవునకు దేశము బ్రతకరానిదయ్యెను. ఇంకను బ్రాహ్మణుడే నయము. ఇంటిలో నుండి త్రోసివేయగా వాసములయినను పట్టుకుని వ్రేళ్ళాడుతూ ఉన్నాడు. ' నాది కర్మభూమి. ఈ భూమిలో నుండి కర్మ పోదన్న ' పంటి బిగువ వానికి వదలలేదు. 


గోవు నోరులేని జంతువు. అది సభలు చేయలేదు. ' నా జాతి చచ్చిపోవుచున్నదో ' అని మొర పెట్టలేదు. పాపము నిమ్న జాతుల లోనను చేర్చుకొనలేదు. దానికి ఓటు లేదు. శాసనసభలకు తన ప్రతినిధులను ఏమి పంపించుకొనగలదు ! వలసపోయిన వారు, తాము పోయినచోటి జాతులను కూకటి వేళ్లతో కుద్దాలించినట్లు తనను కూడా ఎవరో కుద్దాలించిరి. తనకు పొలమునకు వలసవచ్చినది ఎవరు? ఎవరో కనిపించలేదు


ధర్మారావు ఆబోతు వంక మరలా చూచెను.ఆ అపర శివాకృతి ముఖము మీద నెత్తురు కనిపించెను. ఎవరో కర్రపెట్టి కొమ్ముల నడుమ మోపైన దెబ్బకొట్టెను. 


ధర్మారావు మరలా విచారించ ఆరంభించెను..


" గో రాజా ! నీ నెత్తురు కన్నుల చూచితిమి. ఆల పొదుగులు కోసుకొని త్రావితిమి. ఆవుల మాంసము సోల్జరులకు వండిపెట్టితిమి. మా జమిందారులును,మేమును పరమ నాస్తికులమైపోతిమి.


సర్వజంతు సంతానము నందు, వృక్షములందు ,పచ్చిగడ్డియందు ప్రాణం ఉన్నదన్న మా ఋషుల సిద్ధాంతములు నేడు పరాస్తమైనవి. పదార్థ విజ్ఞానశాస్త్రజ్ఞులు రుజువుచేసి చూపించినగాని మేము నమ్మము. మా ఆస్తిక భావములు మంగలములలో పెట్టి మలమల వేయించబడెను.


మా మతం దేవుడున్నాడని కాదు. ఆ దేవుడు ఉండనిమ్ము. చావనిమ్ము. సర్వమైన సృష్టియందును ప్రాణము, జీవము, ఆత్మ కలకలలాడుచున్నదని మా పూర్వ ఋషులు చూచిరి. సర్వ వస్తుగత ప్రాణమును సమారాధించిరి. అంతకన్నా భూతదయ లేదు. మా పూర్వులు గోవధ చేయలేదు. గోవులలో ప్రాణము పరమాత్మకు సన్నిహితమైయున్నది. గోక్షీరము నందు ప్రాణము నిబిడీకృతమై ఉన్నది. అంత ప్రాణశక్తి మరియొక దానియందు లేదు. 


నశించిపోతిమి. గడ్డి కరిచితిమి. మృతుల మైతిమి. "" అని...


ప్రస్తుత పరిస్థితులలో తీవ్రంగా దృష్టి సారించాల్సిన అంశము కదా ఇవి?


- Kks Kiran

Dont Follow Majority, Follow The Right Way



' వేసిన దారంట వెళ్ళిపోవడం సులభమూ పదిలమూ.... నలుగురికీ తెలిసింది చిరకాలం నుంచీ నలిగిందీ ఒక దారి సిద్ధంగా సుప్రసిద్ధంగా ఉంటూనే ఉన్నప్పుడు మరో కొత్త దారి వెతకడం అవివేకం,, ప్రమాదం ' అని అడ్డు చెప్తూ నిరుత్సాహపర్చడానికి ప్రయత్నిస్తూనే ఉంటుంది ఈ ప్రపంచం సత్యాన్వేషకుడినీ,, సంస్కర్తలనూ వారి మొదటి ప్రయత్నం నుంచీ 👊

ఆ వాదన నిజమని అనిపించినా ఒక్కోసారి ఆ పరిధి దాటి ఆలోచించిస్తే కానీ అర్ధం‌కాదు ఈ నూతనత్వం యొక్క ఉద్దేశమూ, ప్రభావమూ ఏమిటో అని....

పురోగమనానికి కొత్త దారులే రాచబాటలు . అలుపులేని అన్వేషణ గతానుగతికత్వాన్ని సహించలేదు...

కాలిబాటలోనే మానవుడు తృప్తి పడిపోయుంటే విమానయానాలు సాధ్యమై ఉండేవి కాదు కదా?  😳 "

- Kks Kiran

సాహితీలోకంలో ప్రధానలోపం



సరుకు లేకుండా సర్వజ్ఞత ప్రదర్శించడం సాహిత్యంలో ఉన్నంతగా మరెక్కడా లేదు

- Kks Kiran

అసలైన విద్య యొక్క లక్షణమేంటంటే?


ఉద్యోగం చేసేందుకో ,, లేక కేవలం ఉపాధి కల్పనకో ఉపయోగపడే విద్య విద్యే కాదసలు 👎

విద్య వల్ల వ్యక్తికి సంస్కారమూ,, స్వంత తెలివీ,, సృజనాత్మకత అలవడాలి 👍

అవి కలగజేయకుండా కేవలం విషయజ్ఞానాన్ని నేర్పే చదువు చదువే కాదు సరికదా అలాంటి పాండిత్యాన్ని కలిగి ఉన్న వ్యక్తి పుస్తకాల బరువుతో ఉన్న భారమైన గాడిదతో సమానం 👅

- Kks Kiran

పుస్తక పఠనం యొక్క గొప్పతనం



" పుస్తక ప్రియుడు కానివాడు ఎప్పటికీ బుద్ధిమంతుడు కాలేడు  "


20 ఆగస్టు, 2017

:)

"" మనకి తెలియని ఏదైనా ఓ విషయం గురించి అతిగా ఊహించుకుని అదో గొప్ప విషయం అని అభిప్రాయం ఏర్పర్చుకోవడం ఎంత తప్పో - మనకి తెలీని ఓ విషయాన్ని అస్సలర్ధం‌లేదని తీర్మానించుకోవడం కూడా అంతే తప్పు ""

- Kks Kiran

10 ఆగస్టు, 2017

పాఠకులకి నాదో సలహా


కొన్నికొన్నిసార్లు మన జీవితానికీ , ఆలోచనావిధానానికి పరస్పర విరుద్ధంగా ఉన్న వాదాలు వినడం కానీ చదవడం కానీ అలవాటు చేసుకోండి

దానివల్ల మనం నమ్మి అనుసరించే విషయాలలో లోతెంతో తెలిసి వాటిని పాటించాలా వద్దా? అనే విచక్షణ కలుగుతుంది,,

దానివల్ల మనలని మనం సంస్కరించుకోవడం సాధ్యమౌతుంది 

- Kks Kiran

Awesome MomenT In College Life 😂


మన అబ్బాయిలకుండే వెధవ దుర్లక్షణాలలో ఇదొకటి అని నా ప్రగాడ నమ్మకం 😉 అదేంటంటే,,

' పొరపాటున మన ఫ్రెండ్ ఎవడైనా ప్రేమలో ఉన్నాడని తెలిస్తే వాడి లవర్ కనిపిచ్చినప్పుడల్లా వాడికన్నా మనం అత్యుత్సాహం కనపర్చడం 😛 '

ఇదేం దిక్కుమాలిన లక్షణమో మన అబ్బాయిలలో తెలీదుకానీ పొరపాటున మనవాడెవడైనా మనతో " నేను ఫలానా అమ్మాయిని ప్రేమిస్తున్నాను రా ....!!! " అని మనతో చెప్పడం పాపం ఇక ఆ అమ్మాయి గురించి All Updates ( అంటే ఎక్కడెక్కడకి వెళ్తోంది? ఏమేం చేస్తోంది వగైరా వగైరా ) ఆ అబ్బాయికి ఇస్తూ ఆ అమ్మాయి ఇక మనవాడి పెళ్ళమే అని ఫిక్స్ అయ్యి ,, వాడి పెళ్ళి దగ్గరుండి చేసే బాధ్యత మనదే అన్నట్లు బిహేవ్ చేస్తారు మన అబ్బాయిలు ఫ్రెండ్స్గా ఉన్నప్పుడు 👥

దీనివల్ల బానే లాభాలున్నట్లు కనపడుతుంది కానీ ఒక్కోసారి ఈ అత్యుత్సాహం దూల దీర్చి బేడ మిగులుస్తుంది పాపం మనోడికి 💇

దీనికుదాహరణగా నేనెరిగిన ఓ సంఘటన చెప్తాను ఇప్పుడు,, చదవండి ❤

"" నేను కాలేజీలో చదువుతూ ఉండగా మావాడొకడు పక్క బ్రాంచ్ లో చదివే ఓ అమ్మాయికి లైనేసేవాడు 😘

General గా అబ్బాయిలు ప్రేమలో పడితే ఆ అమ్మాయికి తప్ప మిగతా ప్రపంచానికంతా చాలా ఈజీగా తెలిసిపోతుంది,, సో ఆవిధంగా మా వాడి Issue మా ఫ్రెండ్స్కి అర్ధమై మావాడికిి Help చేస్తూ వాడి లవర్ మా బ్రాంచ్ మీదుగా వెళ్తూనప్పుడల్లా మావాడి పేరుని గట్టిగా అరుస్తూ,, మావాడిని కుదిపేస్తూ తెగ అత్యుత్సాహం ప్రదర్శించేవాళ్ళు..

అమ్మాయిలకి సహజ జ్ఞానం ఎక్కువ మన అబ్బాయిలతో పోలిస్తే,, తనకా మేటర్ అర్ధమై ఓ దుర్ముహూర్తాన ( అదే రాఖీపండగ రోజున,, అంతకన్నా భయంకరమైన రోజు ఏముంటుంది మన అబ్బాయిలకి :p ) ఓ రాఖీ తీసుకొచ్చి ( చచ్చింది గొర్రె 💘 ) " రాఖీ కట్టించుకో అన్నాయ్యా " అని మావాడి కుడిచేయి పట్టుకొని ( పాపం !! పాణీగ్రహణం అప్పుడు పట్టుకోవాలని మావాడు ఆశపడిన చెయ్యది 😭 ) రాఖీ కట్టేసింది 👎

( అమ్మాయిలు బయట అబ్బాయికి రాఖీ కట్టారంటే దానర్ధం వాడిపై అవ్యాజమైన సోదరప్రేమ పొంగి కాదు,, దాని అసలర్ధం నే చెప్పనా?

'' ఓరి వెధవా....!!! నేను నీతో బాగా మాట్లాడతా, , ఫ్రీగా మూవ్ అవుతా,, చాలా క్లోజ్గా బిహేవ్ చేస్తాను కూడా,,

అది నువ్వు అలుసుగా తీసుకొని ప్రేమ, పెళ్ళి లాంటి ప్రసక్తి నా దగ్గరకు తెస్తావేమో....!!! ఆ Chance నీకివ్వకుండా నీ తోక కత్తిరించి నిన్ను అదుపులో పెట్టేందుకే నిన్ను " అన్నయ్య " ని చేస్తున్నాను ఈ విధంగా " అని దాని అసలంతరార్ధం 😏 )

దానితో ఇంకేమంటాడు మావాడు ' అన్నయ్యా ' అంత అంత ఆప్యాయత ఒలకపోతూ ఆమె అలా రాఖీ కట్టాక 😶 హుతాశుడైపోయాడు ఏం మాట్లాడాలో,, ఏ విధంగా Respond అవ్వాలో అర్ధంకాక ,, పాపం 😥

ఆ Scene గుర్తొచ్చింది నాకు ఇందాక ఈ పిక్ చూసాక ,, అందుకే సరదాగా నా శైలిని కాస్త పక్కనపెట్టి రాసా దీనిని 😂

శుభసాయంత్రం 😂

- Kks Kiran

09 ఆగస్టు, 2017

వర్షపు చినుకుల అందం


ఆకాశానికి భూమికీ మధ్య అల్లబడిన పెద్ద పెద్ద సాలెగూడు దారాల్లా ఉన్నాయి ఆరుబయట ఇప్పుడు కురుస్తున్న వర్షపు చినుకులు 👌

రచయిత - అనుభవం

రచయిత ఏదైనా ఓ విషయం గురించి రాసాడంటే దానికి అన్నిసార్లూ అతనికి అనుభవమే ఉండి ఉండాల్సిన పనిలేదు,, ఆలోచన చాలు నిజానికి

రైల్ వస్తున్నప్పుడు పట్టాలపై తల పెడితే పోయే Chance ఉందని తెలుసుకోడానికి అనుభవమే ఉండాలా ? ఆలోచన చాలదూ???

ఇదీ అంతే 

- Kks Kiran

నేను పాడిన ఓ పాట



మొన్నెవరూ కనిపించలేదూ ...!!! ఒకవేళ‌ కనిపించినా అంతలా మైమరచిపోను కానీ సరదాగా ఇందాక వర్షం వస్తున్నప్పుడు Surya Son Of Krishnan మూవీలో సాంగ్స్ వింటూ అందులోని " మొన్న కనిపించావు మైమరచి పోయాను - అందాలతో నన్ను తూట్లు పొడిచేసావే " అనే పాట పాడాను 😘

ఆసక్తి,, టైమూ రెండూ ఉంటే విని మీ అభిప్రాయం చెప్పండి

- Kks Kiran

వర్షాకాలపు ఉదయపు అందం 👌


వర్షాకాలం వల్ల మంచి యవ్వనపుసిరి పొందిన పసిరి గడ్డికన్నెలు తాము మరింత అందంగా కనపడేందుకై కొసల్న సుందరంగా అలంకరించుకున్న కిరీటాలలా ఉన్నాయి ఆదిత్యుని తేజోవంతమన కిరణాల్లో మెరిసిపోతున్న మంచుబిందువులు ఇప్పుడు 👌

శుభోదయం 😹

- Kks Kiran

విజ్ఞులెవరినా వివరించగలరు :)


" అప్రత్యక్ష విషయాల గురించి మనం ఏర్పరుచుకునే అభిప్రాయాలకు ప్రమాణం ఏమిటి? "

కదంబం పూల అందం











నిన్న రాత్రి కురిసిన వర్షానికి ఈరోజు ఉదయం ఎంత చక్కగా పూలు పూసిందో చూడండి మా ఇంటి దగ్గర ఉన్న కదంబం చెట్టు 🌻🌻🌻

చాలా ఘాటుగా,, మత్తు కలిగించేట్లు కమ్మటి వాసన వస్తోంది ఇప్పుడు వీటినుంచి 👌

అందుకేనేమో సీతాకోకచిలుకలు,, తేనెటీగలూ తెగ తిరుగుతున్నాయి ప్రస్తుతం ఈ పూలచుట్టూ 😘

ఈ పూలకుండే ఓ ప్రత్యేకత ఏంటంటే ఇవి కేవలం వర్షాకాలంలో మాత్రమే పూస్తాయి.. గుండ్రంగా,, బంతిపూలను అటూ ఇటూ అతికించినట్లు ఉంటాయివి ఆకృతిలో - తెల్లటి కేసరాలు పైనుండి :)

ఆ కేసరాలు కూడా ఆ తర్వాతి రోజే రాలిపోయి మళ్ళీ దగ్గరకి ముడుచుకుపోతుంది ఈ పూవు... ఆ కేసరాలన్నీ అలా గుట్టగా ఈ చెట్టుకింద పడి ఉండడం చూస్తే గాలీ వానా లేని వర్షాకాలపు రాత్రులలో స్వచ్చంగా ప్రకాశించే చంద్రుడు తన తెల్లని కిరణాలతో ఈ చెట్టుకింద పల్చని అట్లువేసాడేమో అన్నంత అందంగా అనిపిస్తుంది 🌙

ఇవి అకాలంలో పూసాయంటే అది పెద్ద వర్షానికి సంకేతమని ఒకప్పటి రైతులు గ్రహించి తమ పొలాలకి జాగ్రత్తలు పెట్టుకొనేవారట..

ఈ పూలంటే అమ్మవారికి బాగా ఇష్టమని ఆమెను " కదంబవనవాసిని " అని పిలుస్తూ లలితా సహస్రనామాలలోనూ అలాగే కాళిదాసు, శంకారాచార్యుల వారి స్తోత్రాలలలోనూ వర్ణించారు...

కనుక ఆమెకే ఈ పూలు అలంకరణగా ఇస్తే బాగుంటుందని భావించి నేనీరోజు ఉదయం వీటిని కాస్త ఎక్కువ మొత్తంలోనే కోసి మా ఇంటి దగ్గర ఉన్న అమ్మవారి ఆలయంలో పట్టుకెళ్ళి ఇచ్చాను..

ఆ పూల అలంకరణలో మా ఊరి అమ్మవారు చూడండి ఎంత అందంగా ఉందో _/\_ :)

శుభోదయం

- Kks Kiran