10 అక్టోబర్, 2017

చంద్రునిలో కనపడే నల్లటి మచ్చలను శ్రీనాధుడు తన భీమఖండంలో ఎంత చక్కగా వర్ణించారో చూడండి :)


"" రోహిణీ దేవిని గాఢంగా కౌగిలించుకొనగా ఆమె స్తనాలనుంచి అంటిన కస్తూరి ఏమో ఇది ....!

రాహువు కోర లోపల గ్రుచ్చుకొని పోవడం వల్ల ఏర్పడ్డ రంధ్రమేమో !!

చీకటినంతటినీ దిగమింగినందువలన సహజ నిర్మలమైన శరీరం లోపలనుంచి కనబడుతున్న నల్లని వన్నె ఏమో !!! 

జన్మవేళయందు మందరగిరి రాపిడి చేత కలిగిన గాయపు మచ్చ ఏమో....!!!!

విరహాగ్నిపాలై వేగుతున్న చక్రవాకాంగన కడకన్నుల నుంచి పుట్టిన అగ్ని చేత కమిలిపోయిన భాగమేమో ఇది అన్నట్లుగా కనిపించింది చంద్రబింబంలోని నడిమి మచ్చ " అని 👌

- Kks Kiran

కామెంట్‌లు లేవు:

కామెంట్‌ను పోస్ట్ చేయండి